hope you all like this nazm that I wrote in memory of my lost love.
*
jab tum pass thay
tou ye ehsaas hi na tha
ke tum kia ho mere lie
ke kis tarhaan meri zindagi main sama chukay ho tum
ke meri aankhoon ne tumhain dekh kar
sapnay bunna shuru kar die hain
ye janti hi na thi main
ke kiun tumhain dekh kar
meray dil ki dharkanain teez ho jati theen
ke ek pal na dekhoon tum ko to dil bekaraar ho jata tha
per ab sochti hoon ke
kaash tum se keh deti
ke mujhay mohabbat hai tum se
per kaise
mujhay to khud is baat ka ilm
tum se bichar kar hoa hai
*
(Chiraag)
