Apnay Haathon Ki Lakeeron Mein Basa Le Mujh Ko
Mein Hon Tera Naseeb Apna Bana Le Mujh Ko
Mujh Se Tu Poochnay Aaya Hai Wafa K Manay
Ye Teri Sada Dili Mar Na Dalay Mujh Ko
Mein Samandar Bhi Hon, Moti Bhi Hon, Gota Zan Bhi
Koi Bhi Naam Mera Le Kar Bula Lay Mujh Ko
Tu Ne Dekha Nahi Aainay Se Aagay Kuch Bhi
Khuda Parasti Mein Kahin Tu Na Ganwa Lay Mujh Ko
Kal Ki Baat Or Hai, Mein Ab Sa Rahon Ya Na Rahon
Jitna Jee Chahay Tera Aaj Sata Lay Mujh Ko
Khud Mein Bant Na Lon Kahin Daman Daman
Kar Diya Tu Ne Agar Meray Hawalay Mujh Ko
Mein Jo Kanta Hon To Chal Mujh Se Bacha K Daman
Mein Hon Agar Phool To Joray Mein Saja Lay Mujh Ko
Mein Khulay Dar K Kisi Ghar Ka Hon Samaan Pyaray
Tu Dabay Paon Kabhi Aa Kar Chura Lay Mujh Ko
Tark-e-Ulfat Ki Qasam Bhi Koi Hoti Hai Qasam
Tu Kabhi Yaad To Kar Bhoolnay Walay Mujh Ko
Badah Phir Badah Hai Mein Zehar Bhi Pee Jaon “QaTeeL”
Shart Ye Hai Koi Baanhon Mein Sambhalay Mujh Ko
-=EnD=-
(QaTeeL ShiFai)
