kamre mein chup ke uss ne jalaya tha mera khat
phir rakh saare shaher mein kaise bikhar gai
uss ne bheja hai mughe meri mohabbat ki khiraj
ja-baja khat mein sitare se nazar aate hain
bichar ker khat bhi na likhe udas yaroon ne
kabhi kabhi ki adhori si mulaqaat se bhi gaye
woh bhi shayad ro pare weeran kaghaz dekh ker
mein ne uss ko akhri khat mein likha kuch bhi nahi
phir wahi zakham ubhar aae jo bhi aae the
ajj bosida se kuch khat jo risalon mein mile
tere likhe hoi be-naam khutoot ki khushboo
jaane phir mughe ko urae liye jaati hai kahan
mit chale meri umeedon ki tarah hurf magar
ajj tak tere khutoot se khushboo na gai
hamare pass un ke buhat se khutoot mile
har aik khat mein likha hai parh ker jala dena
