maiN yeh nayaa silsila sautee Ghazal kaa ba’'unvaan “kalaam-e-shaa’ir ba_zabaan-e-man” shur’u kar rahaa huN jis meN maiN, inshaa Allah, muKhtaklif sho’araa ke kalaam paRhaa karuuNgaa. ummeed hai k is sam’a_Kharaashii ko bardaasht karte huye kam az kam kalaam se to zaroor maHzooz hoNge. is takleef ke liye peshgii ma’zarat Khowaah huN.
to, samaa’at farmaaiye mere vaalid kii yeh Ghazal:
**
AUDIO LINK:** Abba kii Ghazal…maa varaa-e-guftugu by jhumroo on SoundCloud - Create, record and share your sounds for free](SoundCloud - Hear the world’s sounds)
**
1.
maa_varaa-e-guftugu is dil kii be_taabii rahii
saaz-e-Khaamoshii meN bhii ik shaan-e-mizraabii rahii
justujuu meN mujhko Gham kaa raaz-e-pinhaaN mil gayaa
aarzoo go shakwa_sanj-e-ranj-e-naa_yaabii rahii
sach bataa kis ne use apnii taraf maa’il kiyaa
merii shab pur_dard, terii raat mahtaabii rahii
aasmaaN ko soz_o_saaz-e-zindagii kii kia Khabar
maah_o_anjum kaa tamaashaa apnii be_Khowaabii rahii
bahot bahot shukria pasandeedgii ke liye Bhai Sannan
shukria, karam navaazish…maiN sochtaa huN k aap log bhii kuchh sunaayeN…ek sautii mushaa’ire [audio] kaa in’eqaad honaa chaahiye jis meN aap apnaa yaa kisii duusre shaa’ir kaa kalaam paRheN…sochiyegaa is silsile se…we may use chatroom for that…kia Khayaal hai?
