This is my last post before leaving Gupshup forever…
Judaee dene wale tum se umeed-e-wafa kaisi
Ta’alluq toot jaaye jab
Muhabbat rooth jaaye jab
Tu phir rasm-e-dua kaisi
Milan ki iltijja kaisi
Bhanwar mein dolti kashti pe saahil ki tamanna kya
Ukkhartay saans hon tu zindagi ki aarzoo bhi kya
Jo manzil khoo chuki ho us ki phir se justujoo bhi kyon
Razaaye dost per acha… sar-e-tasleem kham karna
Sissakne se yehi behtar hai na-umeed hi marna
Magar dil ne tumhein kis waste se yaad rakha hai
Tumhein kyon shaa’eri mein aaj tak abaad rakha hai
Abhi tak mein ne kyon khud ko bahut barbaad rakha hai
Hawa ke dosh per kyon naghma-e-fareyaad rakha hai
Judaee dene wale aashnai ki kasam tum ko
Tumhari bewafai, kaj-adaee ki kasam tum ko
Mujhe itna bata dena
Wafa ki chaahatoon ki mash’allain kaise bhujate hain
Nishaan kaise mitaate hain
Bhulaana ho jinhain unhain kaise bhulaate hain
