kal chaudhavin kee raat thee shab bhar raha charcha tera

ehsan · February 20, 2011, 8:38am

One of my favourites. Posted it a few years ago.

kal chaudhavin kee raat thee shab bhar raha charcha tera
kuch ney kaha yeh chand hai kuch ne kaha chehra tera

hum bhi vahin maujud thay hum se bhi sub puucha kiye
hum hans diye hum chup rahe manzuur tha parda tera

is shehar mein kis se milen hum say toh chuTi mehfileyn
hur shakhs tera naam le hur shakhs diiwana tera

kooche koh tere chor kar jogi hee bun jaayein magar
jungal tere parbat tere basti teri sahara tera

hum aur rasm-e-bandagi ashuftagi uftaadagi
ehsan hai kyaa kyaa tera ai husn-e-beparvaa teraa

do ashk jaane kis liye palkon pey aa kar tik gaye
altaf kee baarish teri ikram kaa dariya tera

ai bedaareg-o-be_amaan hum ne kabhi kee hai fuGaan
ham ko teri vahashat sahi hum ko sahi sauda tera

tu bevafa tuu maharabaaN hum aur tujh se bad-gumaan
hum ne to pucha tha zara yeh waqt kyuun Thahara tera

ham par ye sakhti kee nazar ham hain faqir-e-rah_guzar
rasta kabhi roka tera daaman kabhi thaama tera

haaN haaN teri surat hasin lekin tu aisa bhi nahin
is shakhs ke ashaar se shohara hua kya kya tera

beshak usi ka dosh hai kahata nahin Khamosh hai
tuu aap kar aisi davaa bimaar ho achcha tera

bedard sunani ho to chal kahta hai kya achee Gazal
ashiq tera rusava tera shaayar teraa “Inshaa” tera

Shab-e-Hijar · February 20, 2011, 10:20am