kahin milay to uss say kehna
k tanha sawan bita chuka hon
main saray arman jala chuka hon
bharkay thay jo sholay khushyon kay
woh ansooan say bujha chuka hon
kahin milay to uss say kehna
k baghair uss k udass hon main
badalti rutt ki qayas hon main
bujha day apni mohabbaton say
sulagti sadyon ki pyas hon main
kahin milay to uss say kehna
k chaak daman ko see raha hon
bari he mushkil say jee raha hon
dya jo nafrat ka zeher uss nay
samajh k amrit wo pee raha hon
kahin milay to uss say kehna
k wo jazbay meray kuchal gayi hai
jafa k sanchay main shal gayi hai
na badlay thay mausum bhi itni jalde
k jitni jalde wo badal gayi hai
kahin milay to uss say kehna
faseel-e-nafrat gira raha hon
gayay dino ko bhula raha hon
wo apnay waday say phir gayi hai
main apnay waday nibha raha hon
kahin milay to uss say kehna
k na dil main koi malal rakhay
hamesha apna khayal rakhay
ghum saray sonp day mujhko
sari khushyan sanbhal rakhay
kahin milay to uss say kehna
k wo jazbay meray kuchal gayi hai
jafa k sanchay main shal gayi hai
na badlay thay mausum bhi itni jalde
k jitni jalde wo badal gayi hai