Kaha na payar hai tum say

Arts & Culture Poetry ( Intikhaab & Sho'ra-e-Gupshup)
1

Kaha na payar hai tum say
tou phir kiyun zid tumhari hai
ke jab bhi tum milo mujh say
yahi iqrar ho lab per
mujhay tum say muhabbat hai
tumhain ma’loom hai janan !!
muhabbat to muhabbat hai
ye to ankhon main dehakti hai
haseen say khwaab ki soorat
ye tu ik phool sa jazba hai
ke jis main rang bhi aur khshbo’on ka saath hota hai
buhat anmol jazba hai
ye izhar ki shiddat ka talib bhi nahin hota

buhat chup chaap sa jazba
dabay paon hi chala aata hai
magar jo naqsh iskay hain,
buhat hi gehray hotay hain
inhain kehna nahin parta
lab tau khamosh hotay hain, magar izhar hota hai
kabhi ankhon ki shookhi say
kabhi baton ki khushboo say
ye jazba chup nahin pata
ye sab batain hain meri janan, tumhain ma’loom hi to hain
tumhari hi kahi tou hain
to phir kiyun zid tumhari hai ke jab bhi
main milon tum say yahi izhar ho lab per
mujhay tum say muhabbat hai
magar tum janti ho na, tumhari baat ko janan
nahin main taal sakta hoon
chalo iqrar karta hoon
mujhay tum say muhabbat hai . !!

2

Re: Kaha na payar hai tum say

:) GooD

mohabbat kii tabiyat me.n
ye kaisaa bachapanaa qudarat ne rakkhaa hai

ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai
mohabbat kii tabiyat me.n ajab takaraar kii Khuu hai
ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa'at ho
ise bas ek hii dhun hai
kaho mujh se mohabbat hai
kaho mujh se mohabbat hai

3

Re: Kaha na payar hai tum say

phir se ik baar "kaho ke mujhse mohabbat hei"... meinu sunna hei :D

4

Re: Kaha na payar hai tum say

:D

5

Re: Kaha na payar hai tum say

really amaziang......!!!

6

Re: Kaha na payar hai tum say

VERY NICE..