کفِ مومن سے نہ دروازۂ ایماں سے ملا
رشتہ درد اسی دشمنِ ایماں سے ملا
kafe momin se na darwaza e imaan se mila
rishta e dard usi dushman e imaan se mila
اس کا رونا ہے کہ پیماں شکنی کے با وصف
وہ ستمگر اسی پیشانیٔ خنداں سے ملا
is ka rona he k pemaan-shikani ke ba wasf
wo sitamgar usi peshaani e khandaan se mila
طالبِ دستِ ہوس اور کئی دامن تھے
ہم سے ملتا جو نہ یوسف کے گریباں سے ملا
talib e dast e hawas aur kai daaman the
hum se milta jo na Yusuf ke gareeban se mila
کوئی باقی نہیں اب ترکِ تعلق کے لیۓ
وہ بھی جا کر صفِ احبابِ گریزاں سے ملا
koi baaqi nahin ab tark e taalluq ke liye
wo bhi ja kar saf e ehbab e gurizaan se mila
کیا کہیں اس کو جو محفل میں شناسا بھی نہ تھا
کبھی خلوت میں در آیا تو دل و جاں سے ملا
kya kahein uss ko jo mehfil mein shanasa bhi na tha
kabhi khalwat mein dar aaya to dil o jaan se mila
میں اسی کوہ صفت خون کی اک بوند ہوں جو
ریگ زارِ نجف وخاکِ خراساں سے ملا
main usi koh-sifat khoon ki ik boond hoon jo
raygzaar e Najaf o khaak e Khurasaan se mila
