kaese banu mae uska ke apna nahi hun mae

Arts & Culture Poetry ( Intikhaab & Sho'ra-e-Gupshup)
1

iss subh-e-zindagi se shanaasa nahi hun mae
lagta yahii hae neend se jaaga nahi hun mae

garmi mere shahoor ki deti hae mujhko shaql
qismat ke sard haath ka likha nahi huun mae

ik harf-e-rayegaan sahi, yaaron, mera wajood
kaese kahuun kitab ka hissa nahi hun mae

darpesh shubh-o-shaam hae, ye kaesi kashmakash
kaese banu mae uska ke apna nahi huun mae

mujhko farishta hone ka daava nahi magar
jitna buraa samajhte ho, utna nahi huun mae

is tarha pher pher ke baatein na kijiye
lehje ka rukh samajhta hun, bachha nahi huun mae

dekhi huwee si lagti hae har rah-guzaar kyun
inn bastiyon se pehle toh guzra nahi huun mae

dil ko gawaah kar ke likha jo bhi kuch likha
kagaz ka payt bharne ko likhta nahi huun mae

"Amjad’ thi bheed aesi ke chalte chale gayen
kuch bhi yahan pe dhyaan se dekha nahi huun mae

AMJAD ISLAM AMJAD

2

Re: kaese banu mae uska ke apna nahi hun mae

buhat zabrdast
AIA HAMESHA HE CHAA JATAY HAIN
beautiful

3

Re: kaese banu mae uska ke apna nahi hun mae

Awesome..

4

Re: kaese banu mae uska ke apna nahi hun mae

Very nice.

5

Re: kaese banu mae uska ke apna nahi hun mae

zabardast jw aap ney to kamal he kardeya bohat achi post hai aap ke
thanks 4 sharing

6

Re: kaese banu mae uska ke apna nahi hun mae

Bohat khoob..

7

Re: kaese banu mae uska ke apna nahi hun mae

Amjad sahab ko aap bohat parhti hain nehayat umda ghazal thanks Jw dil khush ho gaya :)

8

Re: kaese banu mae uska ke apna nahi hun mae

thank u pyare doston:bb:
Sid, mae parhti sab ko huun, magar Amjad ji ki baatein zyada pasand aati hein :slight_smile:

9

Re: kaese banu mae uska ke apna nahi hun mae

Bohat khoobsoorat ghazal hey. Hamaarey saath share karney ke leeye shukriya :~)