kabhii saayaa hai kabhii dhuup muqaddar meraa

Arts & Culture Poetry ( Intikhaab & Sho'ra-e-Gupshup)
1

kabhii saayaa hai kabhii dhuup muqaddar meraa
hotaa rahataa hai yuuN hii qarz baraabar meraa

TuuT jaate hain kabhii mere kinaare mujh men
Duub jaataa hai kabhii mujh men samandar meraa

kisii saharaa men bichhaD jaayenge sab yaar mere
kisii jangal men bhaTak jaayegaa lashkar meraa

baavafaa thaa to mujhe puuchhane vaale bhii na the
bevafaa huuN to huaa naam bhii ghar ghar meraa

kitane haNsate hue mausam abhii aate lekin
ek hii dhuup ne kumhalaa diyaa manzar meraa

aaKhirii jur’a-e-pur_kaif ho shaayad baaqii
ab jo chhalakaa to chhalak jaayegaa saaGar meraa

2

Bohat Khoob Sabeera...

Gay marriage becomes legal across the US
3

Re: kabhii saayaa hai kabhii dhuup muqaddar meraa

**bahot umda intiKhaab rahaa aapkaa Sabira saaHiba...agar aapko shaa'ir yaa shaa'ira kaa naam ma'loom huaa kare to ba-raaye mahrbaanii use likh diyaa kareN to ai'n navaazish hogii, karam hogaa :) sabhii ash'aar pasand aaye magar mundarija-zel she'roN pe dil jama'ii huii:

kabhii saayaa hai kabhii dhuup muqaddar meraa
hotaa rahataa hai yuuN hii qarz baraabar meraa

baavafaa thaa to mujhe puuchhane vaale bhii na the
bevafaa huuN to huaa naam bhii ghar ghar meraa

aaKhirii jur'a-e-pur_kaif ho shaayad baaqii
ab jo chhalakaa to chhalak jaayegaa saaGar meraa

aapkii urdu trans-literation scheme munaasib aur saHeeH hai...:)**

4

**bohot umdah SABEERA :lajawab:
**

5

Re: kabhii saayaa hai kabhii dhuup muqaddar meraa

very nice

6

Re: kabhii saayaa hai kabhii dhuup muqaddar meraa

aww....dil ko chhoo lene wala kalaam