for all Mohsin Naqvi fans!
**abhii kyaa kahein abhii kyaa sunaayein
ke sar-e-fasiil-e-sukuut-e-jaaN
kuf-e-roz-o-shab pe sharar numaa
vo jo harf jarf charaaG thaa
use kis havaa ne bujhaa diyaa
kabhii lab hileinge to puuchhanaa
sar-e-sahar-e-ahad-e-visaal-e-dil
vo jo nikahaton kaa hujuum thaa
use dast-e-mauj-e-firaaq ne
tah-e-Khaak kab se milaa diyaa
kabhii gul khileinge to puuchna
abhii kyaa kahein abhii kyaa sunaayeiN
yuuN hii Khvaahishon ke fishaar mein
kabhii be-sabab kabhii beKhalal
kahaaN kaun kis se bichhaD gayaa
kise kis ne kaise gaNvaa diyaa
kabhii phir mileinge to puuchna**
Mohsin Naqvi
