Kabhi yun bhi aa meri aankh mein ke meri nazar ko qabar na ho
mujhe ek raat navaaz de magar uske baad sahar na ho
vo barha Raheem-o-Kareem hai mujhe ye sifat bhi ataa karein
tujhe bhuulne ki dua karuun tu dua mein meri asar na ho
mere baazuon mein thaki thaki, abhi mahv-e-khwaab hai chaandni
na uthae sitaaron ki paalaki, abhi aahaton ka guzar na ho
kabhi dhuup de, kabhi badliyan, dil-o-jaan se dono qabuul hain
magar uss nagar mein na qaid kar jahaan zindagi ki hava na ho
kabhi din ki dhuup mein jhuum ke kabhi shab ke phuul ko chuum ke
yun he saath saath chalein sada kabhi qatm apna safar na ho
mere paas mere habeeb aa zaraa aur di ke qareeb aa
tujhe dharhkanon mein basaa luun mein ke bicharhne ka kabhi dar na ho
Bashir Badr