Kabhi yoon bhi aa meri aankh mein k meri nazar ko khabar na ho
Mujhey aik raat nawaz dey magar phir us kay baad sehar na ho
Wo bara rahim-o-kareem hai, mujhey ye sifat bhi atta karey
Tujhey bhoolney ki dua karoon tu meri dua main asar na ho
Meray bazo’on main thaki thaki abhi mehv-e-khwab hai chaandni
Na uthey sitarooN ki paalkian abhi aahatton ka guzar na ho
ye Ghazal ki jaisey hiran ki aankhon mein pichli raat kii chaandni
na bujhey Kharabe kii roshni, kabhi be chiraagh ye ghar na ho
wo firaaq ho ya wisaal ho, teri yaad mehkegi aik din
wo gulaab ban k khilega kya, jo chiraagh ban k jala na ho
kabhi dhoop dey, kabhi badliyaN, dil-o-jaan sey donon qabool hain
magar us nagar mein na qaid kar jahaN zindagi ki hava na ho
Kabhi din ki dhoop main jhoom kay kabhi shab kay phoolooN ko choom kay
Yoonhi saath saath chalain sada, kabhi khatum apna safer na ho
Meray paas meray habeeb aa, zara aur dil kay kareeb aa
Tujhey dhurkanoon main basa loon mae kay bichurney ka kabhi dur na ho..
Re: Kabhi yun bhi aa meri
:k: Nice sharing LP
Re: Kabhi yun bhi aa meri
Wah. :K:
Re: Kabhi yun bhi aa meri
one of my all time fav 
Re: Kabhi yun bhi aa meri
Thank you....the more I read it...the more I love it :)
Re: Kabhi yun bhi aa meri
Nice :k:
Re: Kabhi yun bhi aa meri
Beautiful Sharing Little Princess..:k: