Kabhi Yaad Aao To Iss Tarha
Ke Lahoo Ki Saari Tamazatain
Tumhain Dhoop Dhoop Samait Lain
Tumhain Rung Rung Nikhaar Dain
Tumhain Harf Harf Main Soch Lain
Ke Diaar-e-Hijr Ki Teergi
Ko Palak Ki Nok Se Noch Lein
Kabhi Yaad Aao To Iss Tarha
Ke Dil-o-Nazar Main Sama Sako
Kabhi Hadd Se Jub Ye Junoon Berhay
To Hawas Bun Ke Bikher Sako
Kabhi Khul Sako Shab-e-Vasl Main
Kabhi Khoon-e-Dil Main Sanwar Sako
Sir-e-Rahguzar Jo Milo Kabhi
Na Theher Sako Na Guzar Sako
Mera Dard Phir Se Ghazal Banay
Kabhi Gungunao To Iss Tarha
Mere Zakhm Phir Se Gulaab Hon
Kabhi Muskurao To Iss Tarha
Meri Dharkanain Bhi Laraz Uthain
Kabhi Chot Khao To Iss Terha
Jo Nahin To Phir Baray Shoq Se
Sabhi Raabtay, Sabhi Zaabtay
Kabhi Dhoop Chhaa’on Main Tor Do
Na Shikast-e-Dil Ka Sitam Kaho
Na Suno Kisi Ka Azab-e-Jaan
Na Kisi Se Dil Ki Khalish Kaho
Yuun Hi Khush Raho Yuun Hi Kush Phiro
Na Ujar Sakain Na Sanwar Sakain
Kabhi Dil Dukhao To Iss Terha
Na Simat Sakain Na Bikher Sakain
Kabhi Bhool Jao To Iss Tarha
Kisi Taur Jaan Se Guzar Sakain
Kabhi yaad Aao To Iss Tarha
Kabhi Yaad Aao To Iss Tarha
Ke Dil-o-Nazar Main Sama Sako
Kabhi Hadd Se Jub Ye Junoon Berhay
To Hawas Bun Ke Bikher Sako
Kabhi Khul Sako Shab-e-Vasl Main
Kabhi Khoon-e-Dil Main Sanwar Sako
Sir-e-Rahguzar Jo Milo Kabhi
Na Theher Sako Na Guzar Sako
