dosto I was reading Talo-e-Ashq by Mohsin Naqvi…when I read this nazm I was spell bound..I didnt know what to say…its really amazing..then I thought atleast I can share this with u ppl..mayb any1 of u have right words to describe this master piece by Mohsin Naqvi.
** Kabhi yaad aaoo to is Trah
keh lahoo kii saari tamaaztein
tumhein dhoop dhoop samait lein
tumhein rang rang nikhaar dein
tumhein harf harf mein soch lein
tumhein daikhne kaa jo shoq ho
to Diyaar-e-hijr kii tiiragii !
ko mi’zh’a kii noq se noch lein!!
kabhi yaad aaoo to is trah
keh dil o nazar mein utar sako
kabhi had se habs-e-jnoun barhe
to hawas ban k bikher sako
kabhi khul sako shab-e-wisl mein
kabhi khon-e-dil mein sanwar sako
sar-e-rahguzar jo miloo___kabhi
na teher sakoo___na guzar sako!
mra dard phir se ghazal bune
kabhi gungunaoo__ to is trah
mre zakham phir se gulab houn
kabhi muskuraoo__ to is trah
mri dharknein bhi laraz utthein
kabhi chot khaoo__to is trah
jo nahin to phir bare shoq se
sabhi rabte sabhi zaabte
kabhi dhop chaoun mein tor do!
na shikast-e-dil ka sitam sahoo
na sunoo kisii ka azaab-e-jaan
na kisii se apni khalish kaho
younhi khush phiro, younhi kush raho
na ujar sakein na sanwer sakein
kabhi dil dukhaoo__to is trah
na simat sakein na bikhar sakein
kabhi bhool jaaoo__to is trah
kisii tour jaan se guzar sakein
kabhi yaad aaoo__to is trah!!**
