**Main tanha hoon yahan koi tou hamsafar ho
tanhai kay iss biyaaN baan main koi tou gul-e-shajr ho
meri zindagi ki andheri raaton main
kabhi tou koi seher ho
meri khushiyon kay sehmay huay baadalon main
koi ek hi barasta hua abar ho
main bhi chaand ki maanind akaila hi nikal para hoon
meri raah main kahin koi tou sitaaron ka dagar ho
main jo barson sey mohabbat kay rishtay sey mahroom hoon
meri zindagi main chahat ka koi tou shajar ho
main bhi jeena chahta hoon iss jahaN main
iss chotee si dunia main mera bhi ek pyara sa ghar ho
Mohabbat main haal-e-dil apna bhala kisay suna sakta hoon
Kaash! yeh meri ghazal parhnay walay par hi thora asar ho**