Kabhi muskuraana kabhi rootth jaana

Amal · October 5, 2002, 10:05pm

[thumb=A]ka-mu.JPG[/thumb]

Kabhi muskuraana kabhi rootth jaana, kabhi dil lubhaana kabhi dil jalaana
kaha tha na meiN ney ke kal hum jo bichrey, to yehi sab adaaeiN sataya kareiN gi

haathoN pe aksar mera naam likh kar, laboN sey mohabbat ki mohreiN lagaana
bhala kya khabar thi ke yehi pyari baateiN, kabhi dil ko khooN bhi rulaaya kareiN gi

kahaa jab bhi us sey ke darakhtoN pe aesey, Khudara koi apni nishaani na chorro
wo kehta tha aksar chalo is bahaaney, tumhey yaadeiN to hamaari aaya kareiN gi

teri hi zubaaN ke ye gul the na dil’bar, kabhi jo bahaaroN ney mooN tujh sey morra
to hamaari mohabbat ki maasoom kalyaaN, terey dil ka gulshan sajaaya kareiN gi

tabasum si nazmeiN taranum si ghazleiN, terey sath mil kar hum likhtey raheiN ge
diloN ki dhunoN pe mohabat ke naghmey, sada dharkaneiN gungunaya kareiN gi

ye bhi tera hi bayaaN tha na jaanam, ke kabhi jo andheroN ney tujhey aan ghera
to hamaari nigaaheiN terey raastoN par, sitaaroN ki shammeiN jalaaya kareiN gi

fiza ke laboN pe ab bhi rawaaN heiN, teri saari qasmeiN, terey saarey waadey
mujhey kya pata tha terey baad hum’dum, hawaeiN terey lafz dohraya kareiN gi

khaab har dikhaya magar ye na bataaya, ke kya loat kar tu aa bhi sakey ga
kabhi jo muraadoN ki pareshaN duwaaeiN, tujhey do gharri ko bulaaya kareiN gi

By: Amal

_Passionate · October 5, 2002, 10:14pm

very beautiful Amal jee…zabardast:k:

Rameesha · October 5, 2002, 10:46pm

wao... simple & beautiful Amal jee :)

is ghazal ko parhtey hoye Salim K. ka yeh qita mery zehn mein ghoonjta raha ....

Hameen ik ajnabi ki jab rafaqat yaad aati he
tu betarteeb rastooN ki musafat yaad aati he
Woh kehta tha hum daim haiN our sab loog fani
soo ab sab loog haiN, uski kahawat yaad aati he

NikamiJano · October 5, 2002, 11:19pm

Re: Kabhi muskuraana kabhi rootth jaana

[QUOTE]
*Originally posted by Amal: *

fiza ke laboN pe ab bhi rawaN heiN teri sari qasmeiN terey sarey wadey
mujhey kya pata tha terey baad hum'dum hawaeiN terey lafz dohraya kareiN gi
khaab har dikhaya magar ye na bataya ke kya loat kar tu aa bhi sakey ga
kabi jo muradoN ki pareshaN duwaeiN tujhey do ghaRi ko bulaya kareiN gi

[/QUOTE]

Beautiful......Thanks 4 sharing...** Amal Saheeb**

_Janu_Jia · October 5, 2002, 11:23pm

nice amal ji

Amal · October 6, 2002, 11:51am

Thanx a lot &Passionate, Rameesha ji, NikamiJi and Jia :)

nikii · October 6, 2002, 12:01pm

wahhh bhut khoob :k:
hamesha ki tarah zaberdast
thx 4 sharing

juMurA · October 6, 2002, 1:05pm

Bohat-khoob :k:
very nice and touchy

Lamhay · October 6, 2002, 1:59pm

Nice!amal ji

chand_chehra · October 6, 2002, 2:16pm

Re: Kabhi muskuraana kabhi rootth jaana

bohat khoob amal :k:

GuL-e-Tasbeeh · October 6, 2002, 3:21pm

A very Beautiful Poetry Amal Ji, Thanks for sharing :)

Capricorn · October 6, 2002, 4:03pm

Nice

Hum_Hain · October 6, 2002, 5:09pm

bahut khoob! :k:

Pramod · October 7, 2002, 7:53am

bahot achha hai Amal sahab, daad kubul kijiye.

lambi bahar ki ghazaloN ko control karna mujhe zara mushkil sa lagta hai magar aap bahot hi achhi tarah control karte hain bahar. maine bhii haal hi main esi tarah ki eik koshish kii hai, I will post it later today. jara dekhiyega, koi problem ho to zaroor bataaega.

Anyway once again daad kubul kijiye for this beautiful ghazal.

_Masoom_Muskaan · October 7, 2002, 11:21am

wow boht achie hei poetry amal bhaie keep posting :)

Amal · October 7, 2002, 2:14pm

Bohat bohat shukriya nikii, juMurA, Lamhay, CC, Gul, Capri, Hum Hain, Pramod and Masoom Muskaan :) ... pasandeedgi ke leeye meiN shukar'guzaar hooN :)

Miss_Nice · October 8, 2002, 6:43am

zabardast

wow kia ghazal thi read kar ke dil khush ho geya!!!!!!
masAllah buhat hi khubsoorat poetry ki hai
very well done and hamesha ki taran apni khubsoorat poetry se mehzooz karti raho

NikamiJano · October 10, 2002, 11:00am

Re: zabardast

Amal · October 10, 2002, 11:38am

Re: zabardast

NikamiJano · October 10, 2002, 11:59am

Re: Re: zabardast

:nono3: :nono: