Kabhi kaha na kisi se teray fasaane ko

WiseGuy · January 15, 2003, 6:00am

Kabhi kaha na kisi se teray fasaane ko
Na jaane kaise Khabar ho gayee zamanay ko

Chaman maiN barq naheeN choDati kisi soorat
Tarah tarah se banata hooN aashiyanay ko

Sunaa hai Ghair ki mahafil maiN tum na jaaoge
Kaho to aaj sajaa looN Ghariib-Khaanay ko

Dua bahaar ki maangee to itanay phool khilay
KaheeN jagah na mili mere aashiyanay ko

Chaman maiN jana to sayyaad dekh kar jana
Akela choD kar aaya hooN aashiyanay ko

Meri lahad pe patanngon kaa KhooN hotaa hai
Huzoor shamma na laayaa karaiN jalanay ko

Dabaa ke chal diye sab qabr maiN duaa na salaam
Zaraa see der maiN kya ho gaya zamanay ko

Ab aage is maiN tumhaara bhi naam aayega
Jo hukm ho to yaheeN choD dooN fasaanay ko

‘Qamar’ zaraa bhi naheeN tujhako Khauf-e-rusavaai
Chale ho chandni shab maiN unhaiN mananay ko

SunnyBoy · January 15, 2003, 6:47am

Buhat Khoob :k:

Lamhay · January 15, 2003, 8:36am

hmm bahut khoob thanks 4 sharing!

arifnawaz1 · January 15, 2003, 9:35am

Khoob :k::k::k:

nikii · January 15, 2003, 2:24pm

:k:

Amal · January 15, 2003, 2:27pm

Re: Kabhi kaha na kisi se teray fasaane ko

Bohat khoob WiseGuy:k:

WiseGuy · January 15, 2003, 5:59pm

Thanks!!!

ghazal_kisi_ke · January 15, 2003, 7:41pm

bohut khoob:k::k:

_MuNiYa · January 15, 2003, 8:34pm

Awesome!

chand_chehra · January 15, 2003, 9:32pm

very nice :k: