**Kabhi Kabhi mere dil mein khayaal aata hai… **
Ke Zindagi teri Zulfoo ki narm cha’aoo mein
**Guzarne paati to shaadaab ho bhi sakti thi **
**Yeh teergi jo meri Zaist ka muqaddar hai **
**Teri nazar ki Sha’aoo mein kho bhi sakti thi **
**Ajab na tha ke mein begana-e-alam ho kar **
**Tere Jamaal ki Re’naaiyoo mein kho rehta **
**Tera Gudaaz badan teri neem-baar aankhe **
**Inhee Haseen fasaanoo mein Maho rehta **
**Pukaarte mujhe Jab talkhiyaa zamaane ki **
**Tere laboo se halaawat ke ghoont pi leta **
**Hayaat Cheekti phirtee barhana-sar, aur mein **
Ghaneri zulfoo ke Saaye mein chup ke ji leta
Magar Yeh ho na saka aur ab yeh aalam hai
Ke tu nahi, tera Gam, teri justajoo bhi nahi
Guzar rahi hai kuch Is tarah zindagi jaise
Isse kisi ke sahaare ki Aarzoo bhi nahi
**Na koi Jaadah-manzil, na Roshni ka Suraagh **
**Bhatak rahi hai khalaaoo mein zindagi meri **
Inhi khalaaoo mein reh jaooNgaa kabhi kho kar
Mein jaanta hoon meri hum-nafas, magar yoo-hi
**Kabhi Kabhi mere dil mein khayaal aata hai ! **
Courtesy,
Faiyaz.
Re: kabhi kabhi
nice sharing........one of my favr8......thnx......!
Re: kabhi kabhi
thanks alot reet i love 2 this
Re: kabhi kabhi
Buhat accha intikhab hai...Sahir Ludhiyani ki nazmo mein se aake buhat acchi nazam...