** Kabhi kabhi mere dil mein ye khayaal aata hai**
Ke zindagi teri zulfon ki narm chaa’on mein
guzarne paati to shadaad ho bhi sakti thi
ye teergi jo meri zeest ka muqaddar hai
teri nazar ki shuaa’on mein kho bhi sakti thi
ajab na tha ke main begaana-e-aalam ho kar
tere jamaal ki raanaeeyon mein kho rehta
tera gudaaz badan teri neem-baaz aankhein
inn he haseen fasaanon mein maho rehta
pukaati mujhe jab talqhiyaan zamaane ki
tere labon se halaawat ke ghoont pee leta
hayaat cheekhti phirti barehna sar aur mein
ghaneri zulfon ke saaye mein chhup ke jee leta
magar ye ho na sakaa aur ab ye aalam hai
ke tuu nahi tera gham teri justajuu bhi nahi
guzar rahi hai kuch iss tarha zindagi jaise
isse kisi ke sahaare ki aarzoo bhi nahi
Zamaane bhar ke dukhon ko laga chuka hoon gale
guzar raha hoon kuch anjaani guzar-gaahon se
muheeb saaye meri simt barhe aate hai
hayaat-o-maut ke pur haul khaarzaron se
na koee jaada na manzil na roshni ka suraag
bhatak rahi hai khalaa’on mein zindagi meri
inn hee khala’on mein reh jaoonga kabhi khokar
main jaanta hoon meri ham nafas magar yun he
** kabhi kabhi mere dil mein ye khayaal aata hain**
By: Sahir ludhianvi