kabhi kabhi mere dil mein

Arts & Culture Poetry ( Intikhaab & Sho'ra-e-Gupshup)
1

kabhii kabhii mere dil meN Khayaal aataa hai

ke zindagii terii zulfoN kii narm chaaNv meN
guzarne paatii to shaadaab ho bhii saktii thii
ye tiirgii jo merii ziist kaa muqaddar hai
terii nazar kii shuaaoN meN kho bhii saktii thii

ajab na thaa ke maiN begaanaa-e-alam ho kar
tere jamaal kii raanaaiiyoN meN kho rahataa
teraa gudaaz badan terii niim-baaz aaNkheN
inhiiN hasiin fasaanoN meN mahv ho rahtaa

pukaartii mujhe jab talKhiyaaN zamaane kii
tere laboN se halaavat ke ghuuNT pii letaa
hayaat chiikhtii phirtii barhanaa-sar, aur mai.n
ghanerii zulfoN ke saaye meN chhup ke jii letaa

magar ye ho na sakaa aur ab ye aalam hai
ke tuu nahiiN, teraa Gham, terii justujuu bhii nahiiN
guzar rahii hai kuchh is tarah zindagii jaise
ise kisii ke sahaare kii aarzuu bhii nahiiN

zamaane bhar ke dukhoN ko lagaa chukaa huuN gale
guzar rahaa huuN kuchh anjaanii raah-gaahoN se
muhiib saaye merii simt baRhte aate haiN
hayaat-o-maut ke pur-haul KhaarzaaroN se

na ko’ii jaadaa-o-manzil na roshnii kaa suraaG
bhaTak rahii hai KhaalaaoN meN zindagii merii
inhiiN KhalaaoN meN rah jaauuNgaa kabhii khokar
maiN jaantaa huuN merii ham-nafas magar yuuN hii
***kabhii kabhii mere dil meN Khayaal aataa hai ***

Sahir Ludhianvi

2

Re: kabhi kabhi mere dil mein

very nice

3

Re: kabhi kabhi mere dil mein

AIk taveel waqfe k baad Jhanjarewali ki achi peshkash..

Bohat khoob:halo:

4

Re: kabhi kabhi mere dil mein

GooD. :k:

kabhi kabhi mere dil mein khayaal aata hai
k jaisay tujhko banaaya gaya hai mere liye
tu ab se pehlay sitaaron mein bas rahi thi kahin
tujhay zamee’n pay bulaaya giya hai mere liye :flower2:

kabhi kabhi mere dil mein khayaal aata hai
k ye badan ye nigaahein meri amaanat hein
ye gaesu’on ki ghani chaaon hai meri khaator
ye hont aur ye baahein meri amaanat hein

kabhi kabhi mere dil mein khayaal aata hai
k jaisay tu mujhay chaahay gi umr bhar younhi
uthay gi meri taraf pyar ki nazar younhi
mein jaanta hon k tu ghaer hai magar younhi

kabhi kabhi mere dil mein khayaal aata hai…

5

Re: kabhi kabhi mere dil mein

good

6

Re: kabhi kabhi mere dil mein

Was made into a hit song in 70's

7

Re: kabhi kabhi mere dil mein

It's so mesmerizingly beautiful that you can read it over and over again — just as you could listen to that song forever.

8

Re: kabhi kabhi mere dil mein

zabardast...