Abhi zid na kar dil-e-be khabar..
ke paas-e-hajoom-e- sitam garaan..
abhi kaun tujh se wafa karay??
abhi kis ko fursatain is qadar??
ke sameit kar teri kirchiyaan..
tere haq mein khud se dua karay..
abhi zid na kar dile-e-be khabar..
ke tah-e-ghubaar-e-gham-e-jahaan..
kahan kho gaye tere chara gar??
ke raah-e-hayaat mein rayegaan
kahan so gaye tere hamsafar???
abhi gham ghusaaron ki chot seh..
abhi kuch na sunn abhi kuch na keh..
abhi zid na kar mere be nawaa…
kabhi yoon bhi ho ke sar-e-ufaq
tere dukh ka chand damak uthay..
koi tees khud se chamak uthay..
kisi shehr-e-zakhm-e-farosh mein..
koi zakhm khud se khareed kar…
sabhi aks khud se khurach kabhi..
kisi ayeenay par na deed kar..
kabhi yoon bhi jashn-e-tarb manaa
kabhi iss tarah se bhi eid kar.