Kabhi fursat maiN aa'o tau meri ik nazm se milna

_Nazish · April 21, 2003, 3:27pm

kabhi fursat maiN aa'o tau meri ik nazm se milna magar iss nazm ka dhaaga tumhaari yaad ka lehja badalte hi na jaane kyuN ulajh kar TooT jata hai tabhi to iss ki satreiN ja ba ja bikhri huwi haiN koyee takiye ki shiknoN me buhat TooTi huwi neendoN ki ankhoN maiN paRi hai koyee dehleez par ahaT ki baali kaan maiN Daale khaRi hai koyee rukhsaar pay aaNsoo ki soorat jum gayee hai koyee dil se laboN tak aate aate tham gayi hai koyee bookshelf me bechain haathoN se uTha kar bin paRhay rakhi kitaboN me paRi hai koyee ihsaas ki ankhoN me kankar ki tarah aTki huee hai koyee uss udh jaley cigarette me lipTi reh gayi hai jisse jaane ki jaldi me piye bin ashtray me tum ne choRa tha ziyaN ki dhool ban kar paoN se lipTi haiN kuch satreiN kahiN ek satr ke andar shikasta maan se bheegi huwi palkeiN paRi haiN kahiN ek satr me vo chaand aTka hai mere kamre ki khiRki se jisse tum dekh kar sheeshe se uljha choR aaye the koyee ik satr uss chaaye ki pyaali meaiN paRi ho gi piye jaane ke khaahish me jo table par hi rakhi reh gayi thi kahiN ek satr me khaaboN ka wo rasta bhi rakha hai maiN jiss par apni aankheiN bhool aayi hooN kahiN ek satr ke andar meri wo saans rakhi hai tumhaari be-nishaN masruufiyat ke bojh se jiss ko maiN ab tak ji nahi paayii koyee ik satr shayed Daakiye ki cycle ki chain me uljhi huwi hai tumhaara khat liye bin iss saRak par kyuN wo aata hai??? zara sa ghor se sun na receiver maiN tumhaare phone ke shayed meri awaz rakhi ho isse ab parcel kar do to maiN iss se bhi kuch bheegi huwi satreiN bana looN gi abhi dil ki hatheli par bhi kuch satreiN pari haiN buhat nazuk haiN , lafzoN se chhuwa to TooT jaeiN gi koyee in muntazir ankhoN maiN rakhi haiN jinheN tum apna keh kar bhool jaate ho yahiN ek satr ki ankhoN maiN mera khawaab rakha tha tumhaari be-rukhi ke paoN se kuchla paRa he mere iss khaab ka tawaan kya do ge??

suno!

iss nazm ko unvaan kya do ge??

(Naheed Qamar)

Dilsay · April 21, 2003, 4:17pm

Masha Allah bohat khoob

Galaxy · April 21, 2003, 4:58pm

bila unvaan:)

Philanthrope · April 21, 2003, 5:50pm

Oh God…its so touchy… So Beautiful… am speech-less

HeArT_HaCKeR · April 21, 2003, 6:05pm

nice :k::

system · April 21, 2003, 6:10pm

sooo touchy.. :k:

WiseGuy · April 21, 2003, 6:16pm

LaJawaab :)
Thanks for sharing ~Nazish~

chand_chehra · April 21, 2003, 7:08pm

Nice :k:

_Nazish · April 21, 2003, 9:45pm

Thanks

Koyal · April 21, 2003, 9:48pm

Bohat khobsurat nazo thanks 4 sharing..:)

:( wr u @ mish u

_Nazish · April 22, 2003, 10:39pm

Thanks koyal

i miss you too tum khod pata nahi kahan hoti ho.

Koyal · April 22, 2003, 11:12pm

Amarbail1 · April 23, 2003, 7:22am

Awesome :k:

WiseGuy · April 23, 2003, 1:22pm

I miss both of you too kahan hoti ho dono

Capricorn · April 23, 2003, 1:32pm

Nice :k:

ASA · April 23, 2003, 2:30pm

very nice...

juMurA · April 23, 2003, 3:16pm

Bohat khoOb :k:

_Nazish · April 24, 2003, 10:12pm

aap khud kahan hotey hain

_Masoom_Muskaan · April 25, 2003, 9:59am

boht khob:)

_Nazish · April 25, 2003, 1:48pm

Thanks :-)