Kabhi yaad aaoo tu is tarah
Ke lahoo ki saari tamaazattain
Tumhein dhoop dhoop samait lain
Tumhein rang rang nikhaar dain
Tumhein harf harf mein soch lain
Kabhi yaad aaoo tu is tarah
Ke dil-o-nazar mein uttar sako
Kabhi hudd se jaise junoon barhe
Tu awaaz ban ke bikhar sako
Kabhi yaad aaoo tu is tarah
Kabhi khol sako shab-e-wasl mein
Kabhi khoon-e-dil mein daur sako
Sar-e-raah guzar jo milo kabhi
Na thehar sako na guzar sako
Mera dard phir se ghazal bane
Kabhi gungunaoo tu is tarah
Mere zakhm phir se ghulaab hon
Kabhi muskuraoo tu is tarah
Meri dharkanain bhi laraz utthain
Kabhi chout khaoo tu is tarah
Jo nahee, tu phir bare shauq se
Sabhi raabtay sabhi zaabtay
Kabhi dhoop chaoon mein torr do
Na shikast-e-dil ka sitam saho
Na suno kisi ka azzaab-e-jaan
Na kisi se apni khalish kaho
Yun hi khush phiro, yoon khush raho
Na ujjar sakain na sanwar sakain
Kabhi dil dukhaoo tu is tarah
Na simmat sakain na bikhar sakain
Kabhi bhool jao tu is tarah
Kisi taur jaan se guzar sakain
bohat khoob :k:
zabardast :k:
aweomse:k: