**Kab yaad mein tera saath nahi, kab haath mein tera haath nahi
Sud shukar k apni raaton mein, Ab hijr ki koi raat nahi
**
**
Mushkil hein agar halaat wahaan, dil baich aan’ain jaan de’aain
Dil walo kocha-e-jaannaan, kia aisay bhi halat nahi
Kab yaad mein tera saath nahi, kab haath mein tera haath nahi**
**Jiss dhajh say koi maqtal mein gaya wo shaan salamat rehti hai
Yeh jaan to aani janii hai, is jaan ki to koi baat nahi
Medaan-e-wafa darbaar nahi, yaan naam-o-nasab ki pooch kahan
**
**Aashiq to kisi ka naam nahi, kuch ishq kisi ki zaat nahi
Kab yaad mein tera saath nahi, kab haath mein tera haath nahi
Yeh baazi ishq ki baazi hai, jo chahay laga do dar kaisa
Gar jeet gaye to kia kehna, haaray bhi to baazi maat nahi
kab yaad mein tera saath nahi, kab haath mein tera haath nahi**
