Aik Ghazal,
Kab Yaad Main Tera Saath Nahin, Kab Haath Main Tera Haath Nahin
Sudd Shukr Ke Apni Raaton Main Ab Hijr Ki Koi Raat Nahin
Mushkil Hain Agar Haalaat Vahaan Dil Baich Aayen Jaan De Aayen
Dil Vaalo Koocha-E-Janaan Main Kya Aisay Bhi Haalaat Nahin
Jis Dhuj Se Koi Maqtal Main Gaya, Vo Shaan Salaamat Rehti Hai
Ye Jaan To Aani Jaani Hai Is Jaa’n Ki To Koii Baat Nahin
Maidan-E-Vafaa Darbaar Nahin Yaa’n Naam-O-Nasab Ki Puuchh Kahaan
Aashiq To Kisi Kaa Naam Nahin Kuch Ishq Kisi Ki Zaat Nahin
Ger Baazi Ishq Ki Baazi Hai Jo Chaaho Lagaa Do Der Kaisa
Ger Jeet Gaye To Kyaa Kehna Haaray Bhi To Baazi Maat Nahin
(Faiz Ahmed Faiz)
Umeed Hai Aap Logon Ko Pasand Aye Gi..
Regards,