kab tak dil kii Khair manaaye.n, kab tak raah dikhaaoge

Dilsay · February 18, 2003, 8:05pm

kab tak dil kii Khair manaaye.n, kab tak raah dikhaaoge
kab tak chain kii mohalat doge, kab tak yaad na aaoge

biitaa diid ummiid kaa mausam, Khaak u.Datii hai aa.Nkho.n me.n
kab bhejoge dard kaa baadal, kab barkhaa barasaaoge

ahad-e-vafaa aur tark-e-muhabbat jo chaaho so aap karo
apane bas kii baat hii kyaa hai, hamase kyaa manavaaoge

kisane vasl kaa suuraj dekhaa, kis par hijr kii raat Dhalii
gesuo.n vaale kaun the, kyaa the, un ko kyaa jatalaaoge

‘Faiz’ dilo.n ke bhaag me.n hai ghar basanaa bhii luT jaanaa bhii
tum us husn ke lutf-o-karam par kitane din itaraaoge

Dilsay · February 18, 2003, 8:09pm

meraa dard naGmaa-e-besadaa
merii zaat zarraa-e-benishaa.N
mere dard ko jo zubaa.N mile
mujhe apanaa naam-o-nishaa.N mile
merii zaat ko jo nishaa.N mile
mujhe raaz-e-nazm-e-jahaa.N mile
jo mujhe ye raaz-e-nihaa.N mile
merii Khaamoshii ko bayaa.N mile
mujhe qaayanaat kii saravarii
mujhe daulat-e-do-jahaa.N mile

Azad · February 18, 2003, 8:13pm

Dilsay dil ka rona bhi khoob hay ... humray pass waqt nahi hay warna is bhainss ko khaDay kay pani say nikal kar hum darya bha daytay

chand_chehra · February 18, 2003, 9:18pm

:k:

Bhooli_Bisri · February 18, 2003, 9:52pm

bhai ap ke dukh ki nazar ek kavish, umeed hai pasand aegi.

Tujhe kaise batayein aakhir
dukh ibaarat tu nahee jo tujhe likh kar bhaijain
yeh kahaani bhi nahee ke sunaaein tujh ko
zakhm ho tu tere naakhun ke hawale kar dain
aaeena bhi tu nahee hai ke dikhaein tujh ko
ye koi raaz nahee jis ko chupayein
tou woh raaz kabhi chehre
kabhi ankhoo se chalak jata hai
jaise aanchal ko sambhale aur koi taiz hawa
jab bhi chalti hai tu shanoo se dhalak jata hai
ab tujhe kaise batayein humein dukh kya hai

ullujii · February 18, 2003, 10:23pm

:k:

guybrush · February 19, 2003, 7:51am

nice choice Dilsay :k:

tunhaye · February 19, 2003, 8:45am

very nice. sahe kaha aap nay dil say

GuL-e-Tasbeeh · February 19, 2003, 10:40am

[QUOTE]
*Originally posted by Dilsay: *
meraa dard naGmaa-e-besadaa
merii zaat zarraa-e-benishaa.N
mere dard ko jo zubaa.N mile
mujhe apanaa naam-o-nishaa.N mile
merii zaat ko jo nishaa.N mile
mujhe raaz-e-nazm-e-jahaa.N mile
jo mujhe ye raaz-e-nihaa.N mile
merii Khaamoshii ko bayaa.N mile
mujhe qaayanaat kii saravarii
mujhe daulat-e-do-jahaa.N mile
[/QUOTE]

Good one, Thanks for posting:~)

Dilsay · February 20, 2003, 11:12am

Thanks every one

nikii · February 20, 2003, 1:45pm

nice choice :k:

Azad · February 20, 2003, 5:03pm

[QUOTE]
*Originally posted by Dilsay: *
Thanks every one
[/QUOTE]

qoya aap nay humara bhi shukria aada kia ....... kia hi khoob ... :)

system · February 20, 2003, 6:08pm

bohat khoob, Dilsay… :k::k: