Musafir tou bichhartay hain rafaqat kab badalti hai
Muhabbat zinda rehti hai muhabbat kab badalti hai
Tumhi ko chahtay hain hum tumhi se pyar kartay hain
yehi barson se aadat hai tou aadat kab badalti hai
Kali ka phool ban na aur bikhar jana muqaddar hai
Yehi qanoon.e.fitrat hai to fitrat kab badalti hai
Jo dil pe naqsh kar jaey aur aankhon mein simat aaey
Alamat hai yeh chahat ki to chahat kab badalti hai
Badal jatay hain mausam phool mein khushboo nahi rehti
Maqar chahat k phoolon ki razaqat kab badalti hai
Usay chaha usay pooja yehi touqeer hai apni
Hamein gumrah mat samjho ibadat kab badalti hai
***Puranay zakhm ko arshad bhula dena he accha hai
Na chahay aap he koi tou kismat kab badalti hai ***