Kash tum dekh saktay
Tootay huwe dil ko
Behtay huwe aans’oun ko
Is adhooray mausam ko
Kaash tum parh saktay
Mere haathoon ki lakeeroon ko
Khwaboon ki taaberoon ko
Dil ke afsaanoon ko
Kaash tum samajh saktay
Mere lafzoon ki ghehrai ko
Hontoon ki sachai ko
Mehfil ki tanhai ko
Kaash tum jorr saktay
Is dil ko
Is waaday ko
Lekin yeh soch kar khamosh hojaati hoon
Kaash tum jaan saktay is ishq ko …*