Mujhay raat gay tak bahir rahnay per rokti rahti thi
Main us ki Baatain sun kar Hansi main uChaal deta tha
Kall say jaldi Aaon ga kah ker Taal deta tha
Who Mujhay deekh kar Muskra deti thi
Aur Pyaar say Chapat laga deti thi
Main usay Bohat Satata tha Bohat Nakhray deekhata tha
Who her baar Meray Naaz uthati thi
Who meray Sadkay meray Wari jati thi
Raat kay kisi Pehar bhi Ghar jo aata us ko apna Muntazir pata
Din raat us kay Pyaar ki Barsat hoti
Us ki Duyain Hameesha meray Saath hotin
PER AB
Zindagi main who Baat nahi hai
Kyu kah who Meray saath nahi hai
Us kay Pyaar bina dil ki Zameen sookhi hai
Ek wohi Mukhlis thi sari Duniya rokhi hai
Ghar jab louton who Nigahain Dhoondta hon
Sama jaon jin main who Bahain Dhoondta hon
Un jaghoon ko deekhta hon Jahan beth kay who mera Intzaar karti thi
Main ghantoon apna Chehra deekhta hon jahan who mujhay Pyaar karti thi
Teri Dua kay bagair Sarkon per nikal jata hon
Her kadam her rastay per Thoker khata hon
Maan to meray liay Khuda ki Soorat hai
Tu lout aa kah mujhay abhi Teri Zaroorat hai
Main ghar jaldi lout aaon ga Khuda kasam tujhay kabhi na sataon ga
Teri Khidmat suobha shaam karon ga jo kahay gi who her kaam karon ga
Meray kaan phir say Muntazir hain ek baar phir who lori suna day
Ek arsa hua main soya nahi
Tu apni goud main mujhay sula day
Kaash kabhi aisi Duyain na Martein
Kaash kisi ke Maien (Mothers) na Martein 
** **