koi dost ho koi yaar ho,kisi dil main mera bhi piyaar ho,
jissey ishq meri hansi se ho,merey gham pe jo be qaraar ho,
kisi dil ko meri bhi ho talab,koi mujh ko maangey duaon main,
jaisey tujh pe hoti hon main fida,koi mujh pe aisey nisaar ho,
mujhey rakhey aisey sambhaal ke,jaisey koi gurya ho kaanch ki,
jaisey ho guhur koi seep main,merey gird us ka hisaar ho,
mera chehra us ki ghazel main ho,mera naam us ke kalaam main,
merey dil ki ho jo bhi unkahi,wohi us ke dil ki pukaar ho,
kabhi chand raaton main jab milain,kahain khul ke dil ki kahaniyaan,
na khaber rahey mah-o-saal ki, na he saatoon ka shumaar ho,
kabhi mera aisa naseeb ho,koi aisa dil ke qareeb ho,
karey jo bayaan mera derd-e-dil kisi aankh main wo khumaar ho,
