k ye patharon ka dayaar hai yahaan koi aayeina'gar nahi

Koyal · January 9, 2007, 3:58am

jisse naaz sheesha-e-dil pe hai usse shayad iss ki khabar nahi k ye patharon ka dayaar hai yahaan koi aayeina'gar nahi

wo musafir-e-shab-e-zeest hon k kisi ki mujh pe nazar nahi
mere raaste ki sahar to hai mere raaste mein sahar nahi

mere saath saath ravaan to hai koi saya sa kisi yaad ka
hai wohi shareek-e- safar mera jo mera shareek-e-safar nahi

gham-e-dil tera gham-e-dil sahi issey kar tu nazr-e-gham-e-jahan
wo charaagh koi charaagh hai jo charaagh-e-raah-e-guzar nahi

ye shamim-e-ishq ki be.dili ye hayat-e-fan ki udaasiyaan
mere shehr-e-gham mein hai kon si wo gali jo khaak basar nahi

main kisi k husn ki dilkashi jo bayaan karoun to bhi kis tarah
ke nazar ke paas zabaan nahi to zabaan ke paas nazar nahi

ye dayaar-e-ghaflat-e-shauq hai na hamare saath chale koi
k guzar rahein hain wahaan se hum jahan khud hamara guzar nahi

na hii ghuncha-e-dil khila na mili hayaat ko roshani
ye sehar tu hai kisi aur ki k ye sehar hamari sehar nahiN

Shab-e-Hijar · January 9, 2007, 6:23am

Re: k ye patharon ka dayaar hai yahaan koi aayeina’gar nahi

[quote=“Koyal”]

mere saath saath ravaan to hai koi saya sa kisi yaad ka
hai wohi shareek-e- safar mera jo mera shareek-e-safar nahi

ye dayaar-e-ghaflat-e-shauq hai na hamare saath chale koi
k guzar rahein hain wahaan se hum jahan khud hamara guzar nahi

/QUOTE]

Beautiful

kaleemhk · January 9, 2007, 7:52am