Dunya men kismat ,yakeen,bharosa,umeed,muhabbat,nafrat,rang,fitrat har pehlu pr likha gya hy aur lamehdood likha gya hy.ye sab kainat k rang hen,kismat ho gi to insan ho ga,yakeen aur bharosa kismat k tabei hen aur yhi kanoon-e-fitrat hy.fitrat hy to rang hen ,rang hen to muhabbat hy aur muhabbat hy to nafrat hy.kainat ka har rang har juzv aik dosre se jurra hy aik dosre k tabai hy,magar ye bht kam ankhon ne parkha hy k ye sab juzv hen to inka kul kia hy?insan kismat per bharosa kyun krta hy? Muhabbat men rang kyun hen aur nafrat berang kyun hy?har sawal ka jawab aik naya sawal hy aur yhi sawal insan ki khu men hen us ki nas nas men hen,insan Ashraf ul makhlooqat hy ,chahe to dunya musakhar kr le na chahe to……….lekin hr cheez ka koi maqsad hy koi aghaz hyaur phr ikhtatam b hy.lekin in dono amlon k darmiyaan kia hota hy ye janna zaruri hy kyun k yhi us amal ka asal hota hy.
Machli pani k bagher kyun terti hy kyun k use pani k bagher rehna nhi ata,yhi uska asal hy. Machli juzv hy to pani kul hy yhi us ki nas nas men hy kyun k kanoon-e-fitrat men pani hi machli k liye mehboob tareen hy wo bhala apne mehboob se kese juda ho sakti hy khushki per aate hi tarapne lagti hy yhi uski muhabbat ka saboot hy.
Zameen ko pani k bagher rehna nhi ata.na ho to banjar,ho to zarkhez.barish ki aik bond hi uska man khilane ko kafi hoti hy aur jab barish khul k barse to zindagi bikher deti hy har taraf.yhi to un dono ka rishta hy jise jhutlaya nhi ja sakta.
Insan yadon k bagher nhi reh sakta kyun k un k bagher use rehna nhi ata.shaid yahi is ka asal hai,yaadon k sahare wo sari zindagi to guzar sakta hai magar unk sath apne dukh sukh nhi baant sakta kuch lamhe bant sakta hai.un se kuch nhi le sakta. Kyun k wo insan ko kuch de hi nhi saktin siwae chand qatre ansuon k.phir se insan ko wapis haqeeqat ki dunya men ana parta hai kyun k use ana hi hota hai.
Lekin haqeeqat men use yadon ki bajae aik aise sahare ki zarurat hoti haijo use mazboot banae,jis se wo apne dukh sukh bante to diljoi ki umeed bhi rakhe, jald ya bader.
Hum har cheez men kho jate hen har rand men har rangeeni men yahan tak k khud se bhi ghafil ho jate hen magar kabi khud men nahi khote ,insan ne kabhi apne andar jhankne ki koshish nhi ki k uska asal kia hai.wo har dunyawi rang o boo se faida uthata hai har sathi chamak pe jaan chirakta hai magar aik baar agar us k andar ki awaz use pukare to wo dar jata hai,ghafil ban jata hai,latalluk ban jata hai.Dunyawi chamak aur sathi ronkon ne use itna kamzor bana dia hai k wo satha k neeche dekhna hi nahi chahta,gehrai naapna hi nahi chahta k kahin doob hi nahi jae..wo khud men doobne se darta hai aur yahi dar use khaliq se door krta hai,jo uska asal hai,jo uska mehboob hai,jo uska juzv bhi hai aur kul bhi.
Jo qadir e mutliq hai jise koi dar nahi jo chahe to daryaaon ko palat de,hawaon ka rukh morr de,jis ki muhabbat aik bar insan k dil men aa jae to ye sare rang aur rangeeniyan be mani ho kar reh jaen ,ret k zarre ki tarha hawaon men tehleel ho kar reh jaen,kisi qatre ki tarha samandaron men gum ho jaen.Bas insan k samajne ki der hai,jaanne ki der hai,gehrai men utarne ki der hai,phr raaz khulne lagen ge….dar mitne lage ga….aur khailq aur makhlooq ka aisa rishta qayam ho ga jo is kainat ka “Asal” hai, “Rang” hai,”Juzv” hai, “Kull” hai !
Re: "Juzv" aur "Kull"
plz give sincere comments....................
Bohat acha likha hai Abeeha..:k:
Machli pani k bagher kyun terti hy kyun k use pani k bagher rehna nhi ata
Machli paani ke baghair “tairti” nahi “tarapti” hai, Paani ki talaash mein..
Re: “Juzv” aur “Kull”
Yeh mazmoon(essay) hy ya nazm(poem)
oppps …yahan tarapti hi likhna tha jaldi men terti aa gya:o
its a piece of prose GN
oppps .....yahan tarapti hi likhna tha jaldi men terti aa gya:o
ab ese na keho u ne terte he lekha tah :p
nice he sis :)
Re: "Juzv" aur "Kull"
nice narrative, it is called sponaneous writing. abeeha your thoughjts are very dramatic but have vigor of realistic appraisal.
some of your anologies are really on the dot.
you treat human conditions and emotions very delicately. and that is the reason your writing has so much power.
in psychology, there is something called gestalt; a german concept for parts and whole. the idea is to blieve that parts individually are bigger than the whole.
so your collective versus part-wise symbolism is very concrete.
keep up the good work!
best,
Dushwari
Re: "Juzv" aur "Kull"
thanx dushwari but actually i just wrote what for the time being run through my mind n then i sketch it on the paper n ya i know abt gestalt psy i have gone through it i thnk there is a certain tinge of it in this excerpt.thanx again for ur praise n critical comments.
Re: "Juzv" aur "Kull"
:>
my pleasure for the constructive comments, i hope you did not take wrong what i said :>
Re: "Juzv" aur "Kull"
abeeha.. aapki book kab arahee hai?
abeeha.. aapki book kab arahee hai?
ap publish kara do gi to zarur karon gi:)
o ya sure y not…