**jungle mujh say baat to ker **
dekh kahan say aaya hoon
sannataa hai chaaroo’n janib
aur hawa ke sargoshi main
**totay totay say kuch jumlay **
**raat gaye honay wali **
pehli barish kay qatron ke surat
patta patta tapak rahee hain
**teen baras aur sola din pehlay ki gehree shaam koi **
**yahain kahen per ruke hoi hai **
aur ak gehray saayun walay paerr pay ab tak
hum dono k naam khuday hain
aur ik dil hai …
jis main koii teer tarazu kab say hai
jungle teray samnay hum nay
us din kitnee batain ke thein
tujh ko bhi woh yaad to hoongii ?
sub na sahi per thori thori ??
**yeh jo hawa ke sargoshi hai **
is kay totay jumloon jaisi ?
abhi abhi is thammnay wali barish kay qatroon k jasi ?
teen baras aur sola din ka ik ik lamha laya hoon
**jungle mujh say baat to ker **
dekh kahan say aaya hoon…!!!
