hum jonobi asia kay rah gum kardah mosafir
hum nay apnay aap ko bach ker hathyaar khariday
aur humesha apnay bhookay bachoon per
lashker ko tarjee di hai aur
ab humaray sahmay howay angano main
morchay reengtay hain
aur jung ki khon aasham bhati
humaray tazah jismoon ko
lalchai hoi nazroon se dakhti hai
jung…
mazakrat maze ki oth se
hum se sargoshi karti hai
aur wo faqa zadah qabrostan
rengtay rengtay howay humaray
shahar ki dewar se alaga hai
humari na umed ankh ki shakh per
dosti aur khush hali ka khowab
gulab ki phool ki manind morjha raha hai
meray laho main her lamha wo lamha jagta hai
jab lashker rakh hoti hoi
ankho kay samnay husun aur zindagi ko
bay dardi kay sath rond dalain gay
tou fath aur moftha ka faisla karnay kay lian
sirf moth aur zindagi baqi ho gi
mehwish afsar