bus ab to jeeney ka aik he silsila hai janaaN!
tumhari sochon main doobey rehna
tumharey khuabooN main khoye rehna
kisi tarah tum ko dekhney ki sabeel kerna
tumharey koochay tak aaney ka kuch bahaana kerna
her aatey jatey sey khairiyat ki naveed lena
hawaa aur chand aur parindoN peh rashk kerna
mera jo ahwaal poochna hai to yeh hai janaaN!
keh janey kab sey
judai k bundi khaney main bund
barf ki sil peh tanha baithi
hararat-e-zindagi sey kuch rabt dhoondti hoN
badan ko apne
tumharey haathon se choo rahi hoN!