Ji mein hai aaj ki shab us ke leye jaag ke kaati jaaye
Woh jo aankhoon se paray
Ajnabi dais ki gumnaam hawaa'oun mein kaheen bethi hai
Kya muhabbat ke leye yeh bhi zaroori hai ke mein
Us ke chehre ko khadokhaal mein laa kar dekhoon
Sach tu yeh hai ke mujhe yaad nahee, us ki jabeen kaisi theen
Hont kaise thay, badan kaisa thaa, aankhain kya theen
Bas yehi yaad hai woh jaisi nazar aati thee
Us se kaheen achi thee
Yeh maah'o'saal ka toofaan bahut zaalim hai
Woh agar paas bhi hoti tu kissay ilm hai kaisi hoti
Yun tu har raat mere dil pe giraan kat'ti hai
Phir bhi ay bhoolay huwe... tu hi bata
Gham ki zanjeer bhala jaagne sone se kahaan kat'ti hai
Yeh jo aahat se abhi nikhat'e'gul ki tarah phaili hai
Tere qadmoon ki sada lagti hai
Jab bhi koi jahaaz yaad ki shama leye
Gham ki bechain hawao'oun se guzarta hai
Tu dil shaam'e'furqat ke tassavur se laraz uth'ta hai
Shaam-e-furqat jo hakeekat hai magar khwaab numa lagti hai
Chaand jab abar ke tukroon mein safar karta hai
Tu yun lagta hai
Mein bhi ek abar ka tukra hoon
Jissay tera wisaal ek lamhay ki rafaqat mein mila
Ay mere guzre huwe chaand... mujhe tera wisaal
Tera aik lamha wisaal
Daaemi hijr ke andooh musalsal ke iwaz baar nahee
**Ay mujhe abar ke tukre ki tarah chor ke jaane walay**
Tere bakhshay huwe lamhay ke aiwaz
Kya mujhe dena para, us se sarokaar nahee
Pehli saalgirah aaj judai ki manaoun shab bhar
Shaam-e-furqat ki tarah ashk bahaoun shab bhar
Phir airport ki reling pe tikka kar kohni
Teri rukhsat ka samaan dheyaan mein laaoun shab bhar
Tu jo rooti huwi aankhoon se paray
Ajnabi dais ki gumnaam hawaoun mein kaheen bethi hai...
:k:
bahut hi khoob!
but
judai ki pehli salgiraah?
Ji mein hai aaj ki shab us ke leye jaag ke kaati jaaye
Woh jo aankhoon se paray 