Juda Hue to Judai mein Ye Kamal Bhi Tha,
Ke Us Se Raabta Tota Bhi Tha, Bahaal Bhi Tha,
wo Jaane wala Hume Kis Tarah Bhulaye Ga,
Hamare Paish_e_Nazar Eik Ye Sawal Bhi Tha,
Ye Ab Jo Dekh Rahe Ho Ye Kuch Naya to Nahi,
Ye Zindagi Ka Tamasha Guzishta Saal Bhi Tha,
Ye Dagh Likha Tha Selaab Ke MuQadar mein,
Mera Makaan to Pehle Se Khasta Haal Bhi Tha,
Shahbaz Tark_e_Ta’aluQ Pe Khush to They Lekin
Jo Such Kahen to Tabiyat mein Kuch Malal Bhi Tha.
