jo utar ke ziinaa-e-shaam se terii chashm-e-Khush me.n samaa gaye
vahii jalate bujhate se mahar-o-maah mere baam-o-dar ko sajaa gaye
ye ajeeb khel hai ishq ka main ne ap daikha ya mojza
vo jo lafz mere gumaaN main tha wo teri zubaaN par aa gaye
wo jo geet tum ne suna nai meri umar bha ka riyaaz tha
mere dard ki thi dastaaan jisay tum hansi main uRa gaye
wo chiraag-e-jaan kabhi jis ki lau na kisi hawa se nigooN hoi
teri bewafaai ke waswase usay chupkay chupkay bujhaa gaye
wo tha chand sham-e-visal ka ke roop tere jamaal ka
meri rooh se meri aankh tak kisi roshni main naha gaye
ye jo bangaan-e-niyaaz hai ye tamaam hain wo laskhari
jinhay zindagi ne amaan na di to tere hazooor main aa gaye
teri beruki ke diyaar mein, main hawa ke saath hawa hoa
tere aaine ki talaaash main mere khawab chehraa ganva gaye
tere waswasoN ke fishaar main tere shara-e-rang ujaR gaya
meri khwahishon ke ghubaar main mere maah-o-saal-e-wafa gaye
wo ajeeb phool se lafz thay tere hont hin se mehak uthay
meree dasht-e-khawab main door tak koi baagh jaisy laga gaye
meri umar se na simat sakay mere dil main itnay sawaal thy
tere pass jitnay jawab thy teri ik nigah main aa gaye…
** Amjad Islam Amjad**
