Jo shaks bhi milta hai samjho ke paraya hai
Eik khuwaab say nikla hai eik khuwaab mei aaya hai
Eik baat juda mujh mei,eik baat juda tujh mein
Mein saaye(shadow) say jalta hoon tu aag ka saaya hai
Perhte hein sabhi mujh ko,sunte hain sabhi tujh ko
Mein ne tujhe likha hai,tu ne mujhe gaaya hai
Aankho mei teri jhilmil,saanso mei teri khushbu
Yaadoon ke sabhi mausam,dil dhond ke laaya hai
Her bar tu milta hai eik aur hawale say
Eik aur tarah tu ne her bar sataya hai
Eik baat pe hans daina eik baat pe ro daina
Ye bhi tujhe bhaya hai wo bhi tujhe bhaya hai
Ae Saad nahi rukta,roke say koi jazba
Eik raaz mere dil ka ashko ne chhupaya hai