~* Jo nigaah uthi na kabhi, woh nigaah jaati hai chaar soo *~

[Amal]

Re: ~* Jo nigaah uthi na kabhi, woh nigaah jaati hai chaar soo *~

@KhamoshNigahein

Hui KHatm sohbat-e-maikashi, yehi daaGh seenoN meiN reh gaya
Key tuloo’a honey sey gaye, kayi aftaab-e-KHum-o-sabuu

Kayi lakh phooloN key pair-han sar-e-baaGh haNs key uRaa diye
Zahe fasl-e-Gul, woh hawa chali key chaman ki le uRRi abroo

Wohi aaNkh jaam-e-mai-e-hayaa, wohi aaNkh jaam-e-jahaaN-numaa
Jo nigaah uThti na thi kabhi, woh nigaah jaati hai chaar soo

Na yeh bhed husn ka khul sakaa, na bharan yeh ishq ka miT sakaa
Kisi roop meiN yeh hai tu key maiN, kisi bhes meiN yeh hooN maiN key tu!

Ab usi ka takiya zamaaney meiN, sunaa hai key marj’a-e-KHalq hai
Jo “Firaaq” tere liye phiraa, kabhi dar-ba-dar, kabhi ku-ba-kuu

by Firaaq Gorakhpuri

Bohat hi shaan’daar ghazal hey KhamoshNigahein :k: … Amazing stuff. Thanx a lot for sharing this masterpiece with us