jo mujh say pocha hai aj tumnay
k me tumhara ho kia batao
to khud he socho tum ek pal ko
bhala me kaisay tumha bataon
hai tum say mera wohi taluq
jo apnay sayay say hai shajar ka
wohi jo khursheed ka qamar ka
gulon say hota hai jo mehek ka
kisi ki ankhon k mast dooron say
uss k mehboob ki jhalak ka
me ho badan to tum usski jaan ho
bahar mausum ki tarjuman ho
lahoo ki suraat mere ragon main
har aik lamhay rawa dawan ho
namaz hon me to tum azan ho
makeen ho me to tum makaan ho
zameen ho me tum asmaan ho
wohi taluq hai tum say mera
jo dil say hota hai dharkano ka
khumaar say hai jo may kashon ka
jo shayiron say hai mah washon ka
jo husn walo say hai dil jalon ka
jo raston say hai manzilon ka
jo manzilon say hai rahbaron ka
azal say dharti say parbaton ka
wohi jo sagar say sahilon ka
wohi jo chanda say hai kiran ka
jo baghban say kisi chaman ka
jo guftugo say kisi dehen ka
jo barishon ka zameen say hai
ibadatoon ka jabeen say hai
wohi talluq azal say apnay bhi darmiyan hai
tumhi baharo ki dalkashi ho
tumhi to ankhon ki roshni ho
jo such kahon tum mere khushi ho
tumhi ujala tumhi saba ho
tum arzoo ho tumhi wafa ho
tamam jazboo ki intaha ho
to q na tum pay ye dil fida ho
batao jana! hai itn akaafi
ya aur bhi kuch tumhai bataon
k hosakay to khayal rakhna
tumhara mujh say wohi hai rishta
malayka say jo bandagi ka
marnay walay say jo zindagi ka
samandaron ka jo seep say hai
wohi jo ankhon ka deep say hai
jo mujh say poch ahai aj tumnay
k me tumhara ho kia batao
to khud he socho tum aik pal ko
