JO ISHQ KO KARTEY HAIN AT'AA TAAJ C AZMAT

Arts & Culture Poetry ( Intikhaab & Sho'ra-e-Gupshup)
1

Dosto ek taaza ghazal lekar haazir hoon, ummeed k pasand kii jaayegi.

Jeeney nahiN deNgey hameiN ai jaanE jahaaN log
Zaalim haiN, sitam-gaar haiN, haiN Jaan sataaN log

Ye dardE mohabbat koii bay-dard kyaa jaaney
yun-hii tow nahiN kartey giley, aah-O fugaaN log

Tum tarzE takhatub ko hii ikhlaas na samjho
Dekhey haiN yahaN hum ney barey sihr-bayaaN log

Gaatey-haiN sabhi ishq-O mohabbat k taraney
Ai kaash k hotey magar insaaN bhi yahaaN log

Towqeer kya rah-jaayegi waaN la’al-O gohar kii
Khush-raNg nageenoN k hoN girweeda jahaN log

Jo ishq ko kartey haiN at’aa Taaj sii azmat
SadiyoN meiN janam letey haiN wo ShahjahaN log

Bus-jaa’eNgey hum aap chalo jaa k wahaN per
Ek aisii jagaa rahtey hoN Nazim na wahaN log

2

Re: JO ISHQ KO KARTEY HAIN AT’AA TAAJ C AZMAT

wah wah… kaya baat hai :k:

3

Re: JO ISHQ KO KARTEY HAIN AT'AA TAAJ C AZMAT

i guess the right word is ah-o-fighan..well written.

4

Re: JO ISHQ KO KARTEY HAIN AT’AA TAAJ C AZMAT

Thanks a lot

Very good, but I’m sorry! Your assumption is incorrect. the right pronunciation is as follows:

Fugaan or FugaaN. with “pesh” on letter “Fa”

please check on the following Urdu logat site:

<O:p</O:p Urdu to English Dictionary | English to Urdu Dictionary | اُردو …<O:p</O:p
1 Oct 2007 … UrduEngilshDictionary.org - Online Urdu Engilsh Dictionary, Web Directory, Urdu to English Dictionary, Urdu to English Lughat.<O:p</O:p
Search English Search Urdu Word Urdu Keyboard<O:p</O:p
www.urduenglishdictionary.org/ - Cached<O:p</O:p