Jo ghair thay woh is baat pay hamaray houay
k hum say dost bohet baikhaber hamaray houay
kisay khaber woh mohabbet thi ya reqabet thi
bohet say log tujhay daikh ker hamaray houay
ab aik hejoom-e-shikestah dilan hay sath apnay
jinhay koi na mila humsafer hamaray houay
kisi nay ghum to kisi nay mizaj-e-ghum bekhsha
sub apni apni jagah charahger hamaray houay
bujhay k taak ki shemain na daikh taron ko
isi junoun main to berbad gher hamaray houay
woh aitemad kahan say “Faraz” layain gay
kisi ko chorh k woh ab ager hamaray houay
