KKF
1
salaam dosto
kaise mizaaj haiN? ummeed hai k ba_Khair hoNge.
SaaHir Ludhianvii kii ek filmii Ghazal pesh kartaa huN aur ummeed kartaa huN k aapko pasand aayegii.
mulaaHizah farmaaiye:**
jitnii likkhii thii muqaddar meN hum utnii pii chuke
ab to din marne ke haiN jiinaa thaa jitnaa jii chuke
ai zamaane! ab na aanaa humko samjhaane kabhii
apnii kah lii, sabkii sun lii, hoNT ab to sii chuke
ab hamaarii Khushk aankhoN meN na kuch DhuunDhee koii
ashk jitne in meN the vo sab ke sab hum pii chuke
zindagii aur maut donoN ek haiN apne liye
ab kisii ko kia bataayeN mar chuke yaa jii chuke
ghar se be_ghar ho gaye, ab ghar ki yaad aaye to kiuN?
zindagii piichhaa na kar, hum jii chuke, hum jii chuke **
faqat muKhlis
_______KKF
Diva
2
Re: jitnii likkhii thii muqaddar meN...SaaHir Ludhianvi
Walaikum Assalaam. Aapk mizzaj shareef kesay hain?!?
Muqaddar mein her meal kay saath aik glass nahin likhkhi thee?!!
Ye sab he urdu poets aisa krty thy? Very bad
Re: jitnii likkhii thii muqaddar meN...SaaHir Ludhianvi
peeno walon ko peene ka bahana chahiye
Diva
5
Re: jitnii likkhii thii muqaddar meN...SaaHir Ludhianvi
Angrez kya dhoodh k dhulay hain.. Ya phir baqi zubanon waley?!?
Re: jitnii likkhii thii muqaddar meN…SaaHir Ludhianvi
unho ne Angrezi shayaron ka muta’la nahin kia hoga meri tarah
KKF
7
Re: jitnii likkhii thii muqaddar meN...SaaHir Ludhianvi
angrez peetaa hai magar uskaa DhinDhoraa nahiiN peeTtaa jab k desi log peete nahiiN magar DhinDhoraa peeTte haiN! :D
tarash
8
Re: jitnii likkhii thii muqaddar meN…SaaHir Ludhianvi
**zindagii aur maut donoN ek haiN apne liye
ab kisii ko kia bataayeN mar chuke yaa jii chuke
:k:
**