Haan Abhi Soch Le
Faislo’n Ka Safar
Lafz Ki Narm Chha’on Main Kut’ta Nahin
Aur Sun
Faislo’n Ki Nadamat Se Takleef’De Koi Bhi Dukh Nahin
Jitnay Khadshay Meray Saath Chalnay Main Hain
Iss Do’rahay Pe Ruk
Aur Inhain Apni Aankhon Main Tarteeb De
Jaan Le
Waqt Ke Dasht-e-Be’Berg Main Waapsi Ke Leay Koi Rasta Nahin
(Manzaro’n Ka Naya’Pan Puraani Ruto’n Ke Leay Maut Hai)
Jo Hawa Meray Jumlay Ke Aaghaaz Main
Teray Baalo’n Ko Chhootay Huay Chal Rahi Thi
Usi Waqt Se Mer Chuki Hai Ke Abb
Uss Ka Hona Na Hona Teray Waastay Aik Hai
(Aur Tujh Ko Pata Hai
Kisi Ki Zindagi Uss Ta’alluq Se Hai Jo Kisi Zaat Ke Rabtey Se Banay)
Haan Yehi Waqt Hai
Rabtay Aur Ta’alluq Ke Maa’ni Samajh
Jitnay Khadshay Meray Saath Chalnay Main Hain
Iss Do’rahay Pe Ruk
Aur Inhain Apni Aankho’n Main Tarteeb De
Ke Abhi Terey Haatho’n Ka Her Raabta
Teray Haatho’n Mein Hai
Re: Jitnay Khadshay Meray Saath Chalnay Main Hain..
Jitnay Khadshay Meray Saath Chalnay Main Hain
Iss Do'rahay Pe Ruk
Aur Inhain Apni Aankho'n Main Tarteeb De
Ke Abhi Terey Haatho'n Ka Her Raabta
Teray Haatho'n Mein Hai
