Sarr e arsh jo pohonche tou nadaar bohot thay
dunya ki mohabbat mein griftaar bohot thay
chhat paRne ka waqt aaya tou koi nahin aaya
deewar girane ko razakaar bohot thay
ye be-rukhi ek roz tou maqsoom thi apna
ham teri tawwajuh ke talab gaar bohot thay
aasaish e dunya ka fusooN apni jagah hai
iss sukh mein magar rooh ke aazaar bohot thay
ghar doob gaya aur unhein aawaz nahin di
halanke mere silsilay uss paar bohot thay
ghar tera dekhai tou dya door se laikin
raste teri basti ke pur-asraar bohot thay
hansti hui aankhon ka nagar kehte rahe hum
jiss sheher mein nouhay pas-e-deewar bohot thay