Bari chaahat se khud ko sajaya tha maiN nay
Zaiwar bhi chun chun lagaya tha maiN nay
BaRay fakhr say logoN ko bataya tha maiN nay
Teri zaat meN khood ko bhulaya tha maiN nay
Jiss dinn maiN teri dulhan bani thi
Suhag ka joRa tha tann peh meray
Tera pyar dikhta tha mann meN meray
Chaandni itrati thi janshn peh meray
Tujhhe bhi to naaz tha dulhanpan pe meray
Jiss dinn mein teri dulhan bani thi
Mohabbat ka teeka tha baloN pay meray
Saji sharm ki surkhi thi galoN pay meray
Tera hi naam tha goonjta khayaloN pay meray
Sirf tera hi naghma dil ki taalon pay meray
Jiss dinn mein teri dulhan bani thi
Na daali pyar kee nazar tu ne roop pay meray
Shaayad tabaahi ki janib naseeb thay meray
Main bhi insaan huN, daakay paRay haqq pay meray
Tum apnay ho kar bhi dushman niklay meray
Jiss dinn mein teri dulhan bani thi