Zindagi Log Jise Marham e Gham Jante Hain
**Jis Tarha Hum Ne Guzari Hai Wo Hum Jante Hain
Dard Kuch aur Ata Kar K Tere Dard Nawaz
Ye Sakhawat Tere Mayar Se Kam Jante Hain
Sar Barhana Chale Aaye Hain K Pathar Barsain
Hum Tere Shehar Ka Aain-E-Karam Jante Hain
Shidat-E-Gham Ka Ye Aalam Hai Shab-E-Hijar K Hum
Har Sitarey Ko Tera Deeda-E-Nam Jante Hain
Hum K Khilte Thay Kabhi Zabt-e-Janoon Ki Rut Mein
Harf-e-Sheerein Ko Bhi Qatra-e-Saam Jante Hain
Rasm-e-Farhad Pe Kehna Ho Ghazal Tou MOHSIN
Sang-O-Taisha Ko Bhi Hum Louh-O-Qalam Jante Hain**